اے معبود میرے دل کو ایسا

کر دے کہ اس میں تیری محبت ہو

میرا دل تجھ سے ڈرے تیری تصدیق

کرے اور تجھ پر ایمان رکھے یہ تجھ

سے سہما رہے اور تیری چاہت کرے

اے دبدبے اور بزرگی کے مالک

اے معبود مجھے ایسا بناکہ تیری

ملاقات کی تمنا کروں اور تیری

ملاقات میں میرے لئے بہترین

رحمت و برکت ہو

کہ تو مجھے نیکو کاروں میں

شامل کرے مجھے بد کاروں میں نہ

رہنے دے بلکہ مجھے گزرے ہوئے

نیکو کاروں میں شامل کرے موجودہ

نیکو کاروں کے ساتھ مجھے قرار دے

مجھے نیک لوگوں کے راستے پر لگا

دے میری مدد اس طرح کر جس

طرح تو نیکو کروں کی مدد کرتا رہتا

ہے مجھے برائی کی طرف نہ پلٹا کہ

جس سے تو نے مجھے نکالا ہے۔

اے جہانوں کے پر ور دگار

میں تجھ سے ایمان مانگتا ہوں جو

تیرے پاس آنے تک قائم رہے تو

مجھے اسی پر زندہ رکھ اور اسی پر موت

دے جب تو مجھے قبر سے اٹھاے

تو اسی ایمان پر اٹھوں میرے

دل کو نمائش خود پسندی اور دین

میں شک لانے سے بچاے رکھ

اے معبود مجھے دین میں کامیابی

دے عبادت کرنے کی قوت

عطا فرما تخلیق میں غور کرنے کی

توفیق دے اپنی رحمت کے دو حصے

نصیب کر اور میرے چہرے کو اپنے

نور سے چمکا دے مجھے اس چیز کا

شوق دے جو تیرے ہاں ہے

اور میرا خاتمہ تیری راہ تیرے

دین اور تیرے رسول(ص) کے

دین پر ہو۔ اے معبود میں

تیری پناہ لیتا ہوں سستی

و کاہلی اور بڑھاپے، بزدلی،

کنجوسی، بے توجہی

سخت دلی، بے ہوشی

اور بے چارگی سے یا رب پناہ لیتا

سیر نہ ہونے والے نفس،

خوف نہ کھانے والے دل،

سنی نہ جانے والی دعا

اور نفع نہ دینے والی

نماز سے اور تیری پناہ میں دیتا ہوں

اپنی جان خاندان اور اولاد کو

راندے ہوئے شیطان سے

اے معبود حق یہ ہے کہ مجھے کوئی

بھی تجھ سے نہیں بچا سکتا اور تیرے

بغیر کوئی بھی مجھے امن آسائش

نہیں دے سکتا پس مجھے تنہا نہ چھوڑ

ہلاکت میں نہ ڈال اور اور مجھے

عذاب میں نہ پلٹا میں دعا کرتا ہو ں

کی میں تیرے دین پر قائم رہوں

تیری کتاب کو سچی سمجھوں

اور تیرے رسول (ص) کی پیروی کروں

اے معبود تو مجھے رحمت میں یاد فرما

میری خطاؤں کو سامنے نہ لا

میرا عمل قبول فرما اور مجھ پر

اپنا بہت زیادہ فضل کر کہ میں تیری

طرف جھک پڑا ہوں ۔اے معبود

میری اس پکار اور نشست کے

ثواب میں مجھے اپنی

خوشنودی عطا فرما اور میرے

عمل اور میری دعا کو

خاص اپنے لئے قرار دے اپنی رحمت

سے مجھے ثواب میں جنت کا مستحق ٹھہرا

جن چیزوں کا میں نے تجھ سے

سوال کیا ہے وہ سبھی عطا کر اور مجھ

پر بہت زیادہ فضل فرما کہ میں تیری

طرف جھک پڑاہوں اے معبود ستارے

ڈوب گئے آنکھیں مندھ گئیں

اور تو زندہ پائندہ ہے کہ تاریک

رات تجھ سے کچھ چھپا نہیں سکتی

نہ بر جوں والا آسمان پوشیدہ

رکھ سکتا ہے نہ بچھی ہوئی زمین مخفی

رکھ سکتی ہے نہ گہرا سمندر نہ

تاریکیوں کی تہیں کچھ اوجھل

رکھ سکتی ہیں تو شب میں جس مخلوق

پر چاہے اپنی رحمت کر دیتا ہے

تو آنکھ کے اشاروں کو

جانتا ہے اور سینے کے

رازوں سے واقف ہے ۔

میں وہی گواہی دیتا ہوں جو تو نے

اپنی ذات کے لئے دی

جو گواہی تیرے فرشتوں نے اور

صاحبان علم نے دی ہیں نہیں کوئی

معبود مگر تو باعزت ہے حکمت والا

اور جو شخص وہ گواہی نہیں دیتا جو تو

نے اپنی ذات کے لئے دی

جو تیرے فرشتوں اور

صاحبان علم نے دی ہے تو اس کی

بجاے میری یہ گواہی تحریر فرما دے

اے معبود تو سلامتی والا ہے

اور سلامتی تجھی سے ملتی ہے

اے دبدبے اور بزر گی کے مالک

میں سوال کرتا ہوں کہ میری گردن

آگ سے آزاد کر دے۔

روایت ہوئی ہے کہ یہ دعا ئے ابوذر ہے اور جبرائیل نے حضرت رسول اکرم کی خدمت میں عرض کیا کہ یہ دعا اہل آسمان میں بہت مشہور ہے ۔

اے معبود میں تجھ سے سوال کرتا ہوں کہ

مجھے امن وایمان عطا کر

یہ کہ میں تیرے نبی (ص)کو سچا مانتا رہوں

نیز مجھے تمام بلاؤں سے امان

دے اور مجھے سلامتی اور برے

لوگوں سے بے نیازی پر شکر کی

توفیق عطا فرما ۔

خدا کے نام سے جو بڑا مہربان

رحم والاہے میں گواہی دیتا ہوںنہیں

معبود مگر اللہ جو یکتا ہے کوئی اس

کا شریک نہیں اور گواہی دیتا ہوں کہ

محمد(ص) اس کے بندے اور

رسول(ص) ہیں ایمان رکھتا ہوں اللہ پر

اس کے تمام نبیوں پر اور اس چیز پر

جو اس نے اپنے تمام نبیوں پر نازل

فرمائی اور یہ کہ اللہ کا وعدہ حق ہے

اور اس سیملاقات حق ہے اللہ

نے سچ فرمایا اور نبیوں نے سچ پہنچایا

حمد ہے اللہ کے لئے جو جہانوں کا

رب ہے اللہ تعالیٰ

پاک ہے جب بھی کوئی چیز اس کی

پاکی بیان کرتی ہے جیسے وہ چاہتا

ہے کہ اسکی پاکی بیان ہو اور حمد ہے

اﷲ کیلئے جب کوئی چیز اس کی حمد

کرئے جیسے وہ چاہتا ہے کہ اس کی

حمد ہو نہیں کوئی معبود سواے

اللہ کے جب بھی کوئی چیز خدا کو

معبود کہے جیسے وہ چاہتاہے کہ اسے

معبود کہا جائے اللہ بزرگ ترہے

جب کوئی چیز اس کی بزرگی بیان

کرے جیسے وہ چاہتا ہے

کہ اسے بزرگ کہا جائے

اے معبود میں تجھ سے سوال کرتا

ہوں بھلائیوں کی کنجیوں کا ان کے

انجام ان کے کامل ہونے اور ان

کے فائدوں اور بر کتوں کا جن کو

میرا علم جان نہ سکے اور میری یاد

ان کو شمار نہ کر سکتی ہو۔

اے معبود میرے لئے خیر کو جاننے

کے وسیلے فراہم کر دے اور مجھ پر

اس کی راہیں کھول دے مجھے اپنی

رحمت کی چھاؤں میں رکھ مجھ پر یہ

احسان فرما کہ میں تیرے دین سے

ہٹنے نہ پاؤں میرے دل سے شک

دور کر دے میرے دل کو اس دنیا

اور عارضی زندگی میں نہ لگنے دے

کہ وہ آخرت کے دائمی ثواب کو

بھول نہ جائے میرے دل کو اس چیز

میں لگا دے کہ جس کا نہ جاننا تجھے

منظور نہیں میری زبان کو ہر اچھائی کو

نرم کر دے میرے دل کو نمائش سے

پاک کر اور اسے میرے اعضائ میں

نہ آنے دے اور ایسا کر کہ میرا عمل

خاص تیرے لئے ہو

اے معبود میں تیری

پناہ لیتا ہوں برائی اور ہر

طرح کی بے حیائی سے جو

عیاں و نہاں ہے اور وہ

جو یاد میں نہیں ان باتوں سے جن

میں راندے ہوئے شیطان نے

میرا ارادہ کیا اور جن باتوں میں

دشمنی رکھنے والے حاکم نے میرا

قصد کیا کہ جو تیرے علم میں نہیں

ہے اور انہیں مجھ سے دور کرنے کی

قدرت رکھتا ہے۔ اے معبود

میں تیری پناہ لیتا ہوں

جن و انس کے حملوں سے

اور ان کے پیروکاروں ان کی بد

مستیوں ان کے حیلوں اور جن انس

میں سے آٹپکنے والے بدکاروں

سے اور اس سے کہ دین میں لغزش

کھا جاؤں اور میری

آخرت خراب ہوجاے ایسا نہ ہو

کے اس کی طرف سے

میری زندگی کونقصان پہنچ جائے یا

ان کے ہاتھوں میں کسی سختی میں پڑ

جاؤں کہ اسے برداشت نہ کر سکوں

اور اس میں صبر نہ کر پاؤں

پس اے اللہ تو مجھے اس سختی

میں نہ ڈالیوکہ وہ مجھ

کو تیری یاد سے روک

دے اور تیری بندگی

سے ہٹا دے ہاں تو ہی

اس سے بچانے والا سے روکنے والا

دورکرنے والا اور اس سے بچانے

والاہے سوال کرتا ہوں۔ اے معبود

کہ میری زندگی میں ایسی معاشی

آسودگی عطا فرما کہ جس سے میں

تیری اطاعت کرنے کی طاقت

پاؤں اور یوں تیری خوشنودی

حاصل کروں پھر کل کو ابدی زندگی

تک جا پہنچوں مجھے ایسی روزی نہ

دے کہ سر کش بنوں اور نہ ہی

ایسے فقر میں مبتلا کر

کہ تنگی میں پڑ کے بدبخت

ہوجاؤں تو مجھے آخرت میں

زیادہ حصہ دے دنیا میں

کشادہ خوشگوار اور

بہتر روزی نصیب فرما

اور دنیا کو میرے لئے

قید خانہ نہ بنا نہ ہی اس سے جدائی

میرے لئے غم کا موجب بنے

مجھے اس کے فتنوں سے بچا اس میں

میرے عمل کو قبول فرما

اور میری کوشش کو پسندیدہ

قرار دے اے معبود جو مجھ سے

برائی کا ارادہ کرے تو بھی اس سے

ایسا ہی کر جو مجھے فریب دیتا ہے تو

بھی اسے فریب میں ڈال جو

مجھے ڈراتا ہے اس کا ڈرمیرے دل

سے نکال دے اورجو مجھے

پھنسا دے کہ یقینا تو

اچھی تدبیر والا ہے

تو میری طرف سے کافروں

ظالموں اور سرکشوں،حاسدوں

کی آنکھیں نکال دے۔اے معبود

مجھ پر اپنی طرف سے تسلی کا

نزول فرما مجھ کو اپنی محکم تر زرہ

پہنادے اپنے باطنی امر

کے ساتھ میری حفاظت فرما

مجھے اپنی بہترین عافیت

میں چھپا دے میرے

قول و فعل کو سچا ثابت کر دے

میری اولاد میرے خاندان

اورمال میں برکت دے اے معبود

جو میں بھیج چکا ہوں جو بھیج رہا ہوں

جس سے غفلت برتی ہے جو دانستہ

کیا جس میں سستی دکھائی ہے جو

کچھ ظاہر اً کیا جو چھپ کر کیا وہ بخش

دے اے سب سے زیادہ

رحم کرنے والے

اے معبود میرا رزق فراواں

کر دے میری عمر میں

طوالت دے میرے گناہ معاف کر

دے اور مجھے ان لوگوں میں رکھ

جنکے ذریعے تو دین کی مدد کرتا ہے

اور میری جگہ کسی اور کو نہ لایو ۔

اے وہ جو تھوڑے عمل کی قدر کرتا

ہے بہت سے گناہ معاف کر دیتا ہے

اور بڑا بخشنے والا مہربان ہے

میرے وہ گناہ بخش دے

جن کی لذت توختم ہو چکی ہے مگر

ان کا برا انجام باقی ہے ۔

اے روشن کرنے والے اے پاک تر

اے پہلوں سے پہلے اور

پچھلوں سے پچھلے اے

بڑے رحم والے اے مہربان

میرے وہ گناہ بخش دے

جو نعمتوں سے محرومی کا باعث ہیں

میرے وہ گناہ بخش دے

جو عذاب کا موجب ہیں

اور میرے وہ گناہ بخش دے

جو پردہ فاش کرنے کا سبب ہیں

اور میرے وہ گناہ بخش دے

جو نزول ہلکا سبب ہیں

اور میرے وہ گناہ بخش دے

جو دشمنوں کو جرأت دلاتے ہیں

میرے وہ گناہ بخش دے

جو تباہی میں جلدی کا موجب ہیں

میرے وہ گناہ بخش دے

جو امیدیں قطع کر دیتے ہیں

میرے وہ گناہ بخش دے

جو ما حول کو بگاڑتے ہیں

میرے وہ گناہ بخش دے

جو شرم کا پردہ چاک کرتے ہیں

میرے وہ گناہ بخش دے

جو دعاؤں کو رد کراتے ہیں

اور میرے وہ گناہ بخش دے

جوبارش میں رکاوٹ ڈالتے ہیں ۔

اے دکھ میں میرے سہارے

اے سختی میں میرے ساتھی

اے نعمت دینے والے مالک

اے میری پکار پر فریاد رسی کرنے والے ۔

اے معبود تو نے اعمال لکھ لیے

تو خبروں کو جانتا ہے

ہر راز تجھ پر عیاں ہے

تو ہمارے اور ہمارے دلوں کے

درمیان حائل ہے پس ہمارا

ہر راز تجھ پر عیاں ہے اور

دل تیرے آگے سر نگوں ہیں

بے شک کسی چیز کیلئے حکم یہ ہے کہ

جب تو ارادہ کرے اور تو

اس سے کہتا ہے تو ہوجا تو وہ ہوجاتی

ہے پس اپنی رحمت کے

ساتھ طاعت سے کہہ دے کہ وہ

فِی کُلِّ عُضْوٍ مِنْ

میرے اعضائ میں سے ہر عضو میں

داخل ہو جا ئے اور مجھ سے دور نہ ہو

حتیٰ کہ تجھ سے جاملوں اپنی رحمت

کے ساتھ نافرمانی سے کہہ دے

کہ وہ میرے اعضائ میں سے

ہر عضو سے نکل جائے

اور میرے قریب نہ آئے حتیٰ کہ تجھ

سے جا ملوں مجھے مال و دنیا دے

اور اس سے بے پروا کر دے

اور مجھ سے دور نہ کر جب میں

اسے چاہوں اے بڑے رحم والے

حمد اللہ کے لئے جو حمد کا مالک ہے

وہ اسکا اہل ہے اسکی انتہا اور مقام ہے

وہ کھرا ہے جو اسے یکتا جانے وہ

ہدایت پا گیا جس نے اسکی عبادت

کی کامیاب ہوا جس نے اطاعت کی اس

نے امان پائی جو اس کی پنا ہ میں آیا اے معبود

تو سخاوت شان اور بہترین تعریف

و خوبی کا مالک ہے۔ تجھ سے سوال

کرتا ہوں اس سوالی کی

طرح جو تیرے آگے پوری

طرح جھکا ہوا ہے تیرے سامنے

ناک رگڑتا ہے تیرے لئے منہ

پر خاک ملی ہے تیرے

سامنے پست ہوا تیرے خوف

سے اس کے آنسو نکل کر اس کے

رخساروں پر بہہ رہے ہیں تیرے

سامنے اپنے گناہوں کا اقراری ہے

اس کی خطاؤں نے اس کو تیرے

سامنے رسوا کیا اس کے جرائم نے

اسے تیرے سامنے داغدار کیا

تو ایسے میں اس کی طاقت

جواب دے گئی اس کی تدبیریں

ناکام ہوئیں اس کے قریب کے

اسباب قطع ہوگئے اس کا ہر باطل

عمل ماند پڑ گیا اس کے

گناہوں نے اس کو پست مقام پر

پھینک دیا جہاں تیرے سامنے پڑا

ہے اسکی زاری نے اسے تیرے آگے

جھکا دیا ہے تجھ سے سوال کرتا ہوں

اے معبود اس کی مانند جو ایسے شخص

کی جگہ پر ہو تیری طرف رغبت کرتا

ہوں تیرے آگے اس سے

زیادہ نالہ کرتا ہوں تیرے

سامنے اس سے زیادہ گڑ گڑاتا

ہوں اے معبود پس رحم فرما میری

گفتار کی کمزوری پر میرے مقام کی

پستی پر میری نشست پر اور تیرے

آگے جو عاجزی کی ہے اس پر رحم کر

سوال کرتا ہوں تجھ سے

اے معبود کہ گمراہی میں ہدایت

دے کم نظری میں بینائی عطا کر اور

بے راہی میں سیدھی راہ پہ ڈال

دے سوال کرتا ہوں

اے معبود کہ خوشحالی میں تیری

زیادہ حمد کروں مصیبت کے وقت

اچھے طریقے سے صبر کروں شکر کے

موقع پر بہتر سے بہتر انداز میں شکر

ادا کروں شبہ کے وقت

تیرے آگے جھک جاؤں۔میں

تیری بندگی کے لئے طاقت

مانگتا ہوں گناہوں میں

کمزوری چاہتا ہوں تجھ سے

ڈر کے تیری طرف آنا چاہتا ہوں

تیرے نزدیک آنا چاہتا ہوں

اے پروردگار ایسی جستجو مانگتا ہوں

جو اس چیز کیلئے ہو جو تجھ کو مجھ سے

خوشنود کرے جب کہ دوسرے لوگ

مجھ پر ناراض ہوں تیری خوشنودی کا

طالب ہوں پروردگار

اگر تو مجھ پر رحم نہ کرے تو کس

سے امید رکھو ںیا اگر دھتکاردے تو

کون میری طرف توجہ کرے گا یا

اگر تو مجھے سزا دے تو کس کی معافی

میرے کام آئے گی یا اگر تومجھے

محروم کرے توکس کی عطاؤں کی

آرزو کروں گا یا اگر تو مجھے پست

کرے تو کون مجھے عزت دار بنایگا

یا اگر تو مجھے عزت بخشے توکون میری

توہین کر سکتا ہے پروردگار میرے

فعل کتنے برے ہیں میرا عمل کتنا

ناپسندیدہ ہے میرا دل کیسا سخت ہے

میری آرزو کتنی لمبی ہے میری مدت

عمر کتنی کم ہے پیدا کرنے والے

مجھے گناہوں پر کتنا دلیر بنا دیا ہے۔

پروردگار میری طرف تیری آزمائش

کیسی اچھی ہے مجھ پر تیری

نعمتیں کس قدر نمایا ں ہیں مجھ پر

تیری اتنی زیادہ نعمتیں ہیں کہ میں

انہیں شمار نہیں کر سکتا اور ان پر میرا

شکر کتنا کم ہے اس لئے میں نعمتوں

پر مغرور ہو گیا ہوں عذاب کے

سامنے آکھڑا ہوں میں تیری

یاد چھوڑ بیٹھا ہوں میں علم رکھتے

ہوئے نادانی کی سواری پر سوار ہوگیا

ہوں میں عدل سے منہ موڑ

کر ظلم کی طرف چل نکلا

ہوں نیکی سے گزر کر گناہوں

تک پہنچ گیاہوں اور خوف اور

اندیشہ چھوڑ کر خوش وقتی میں لگ گیا

گیا ہوں پس کتنی چھوٹی اور کم

ترہیں میری نیکیاں جب کہ

میرے گناہ بہت زیادہ ہیں کتنے

بڑے ہیں میرے گناہ جب کہ

میری عمر کم ہے اور اعضائ

بدن کمزور ہیں پروردگار میری

مدت عمرکتنی کم ہے اور میری

آرزو کتنی لمبی ہے میری عمر کی کوتا ہی

میں بھی آرزو کتنی لمبی ہے۔ میرے

ظاہر کے مقابل میرا باطن کس قدر آلودہ

ہے پروردگار اگر میں اس پر دلیل لاوں

تو میرے پاس کوئی دلیل نہیں اور

اگر عذر کرنے لگوں تو میرے پاس

کوئی عذر نہیں اگر سختی میں پڑوں تو

میں اس پر شکر نہیں کرتا اور اگر تو

مجھے شکر کرنے کی تو فیق نہ دے تو

میںتیرا شکر ادا نہیں کر پاتا ۔میرے

پروردگار کل قیامت میں میرامیزان

عمل کتنا ہلکا ہوگا اور اگر تو اسے

بھاری نہ بنائے میری زبان تتلائے

گی اگر تو اسے ثابت نہ رک ہے اور

کتنا سیاہ ہو گا میراچہرہ اگر تو اسے

روشن نہ کرے پالنے والے میرے

ان گناہوں کا کیا بنے گا جو میں کر

چکا ہوں جن کے بوجھ سے

میرے اعضائ ٹوٹ گئے ہیں پالنے

والے میں دنیاوی خواہشوں کے

پیچھے کیونکر جاتا ہوں جب کہ ان

میں ناکامی پر رو رہا ہوں مگر میں اپنے

گناہوں اورنافرمانیوں کی حسرت

رکھتا ہوں اور ان پر گریہ و زاری

نہیں کرتا پالنے والے دنیاکی

خواہشوں نے پکارا تو میں ان کی

طرف لپک کر چلا گیا ان کا کہنا مانا

اور ان کی طرف جھک پڑا اور

آخرت کی حاجات نے آواز دی تو

میں ڈھیلا ہوگیا اور انہیں قبول

کرنے میں سستی سے کام

لیا جب کہ دنیا کی پکار پر اس طرف

جانے میں جلدی کی تھی۔ میں دنیا

کی رنگینیوں اور ناپائیدار سامان

ٹوٹی ہوئی بے کار شاخ اور جھوٹے

سراب پر ریجھ گیا

اے پروردگار تونے مجھے ڈرایا اور

شوق بھی دلایا تو نے میرے

بندے ہونے پر دلیل ٹھہرائی میری

روزی کا ذمہ داربنا لیکن میں نے

تیرا خوف بھلا دیا تیرے شوق کی

طرف سے منہ موڑ لیا تیری ذمہ

داری پر بھروسہ نہ کیا تیری قائم کی

ہوئی دلیل کو کم جانا پس اے معبود

اس دنیا میں جو میں تیری طرف سے

مطمئن ہوں تو اسے خوف میں بدل

دے میری سستی کو شوق میں بدل

دے میں نے تیری دلیل کو کمتر جانا

تو اسے لحاظ میں بدل دے پھر مجھے

رزق کی تقسیم پرراضی فرما جو تو نے

کی ہے۔ اے سخی میں تیرے

باعظمت نام پر تیری

خوشنودی مانگتا ہوں تیری

ناراضگی کے وقت اورکشائش

چاہتا ہوں سختی میں سوال ہے تاریکی

کے وقت نور کا اور شبہ

کے فتنے میں سمجھ داری کا

پروردگار میری خطاؤں کے لئے

محکم ڈھال بنا دے

جنت میں میرے درجات

بلند کر دے میرے تمام اعمال قبول

فرما اور میری نیکیوں کو دگنا اور

خالص بنا دے میں تیری پناہ لیتا

ہوں تمام فتنوں میں جو ان میں

سے ظاہر ہیں اور جو پنہاں ہیں

حد سے بڑھ کر کھانے

پینے سے ہر اس چیز کے شر سے

جسے جانتا ہوں اور جسے نہیں

جانتاتیری پناہ لیتا ہوں اس

سے کہ علم کے بدلے جہالت

حاصل کروں برد باری کے بدلے

سختی عدل کے بدلے ظلم خوش

کرداری کے بدلے بد سلوکی صبر

کے بدلے بے تابی یا ہدایت کے

بدلے گمراہی یا ایمان

کے بدلے کفر خرید کروں ۔

آمین یا رب العالمین

ایسا ہی ہو اے جہانوں کے پروردگار

اے معبود میں تجھ سے سوال کرتاہوں

تیری رحمت کا جس

تک سواے تیری رضاکے

پہنچ نہیں سکتا تیری ہر طرح کی

نافرمانی سے باہر نکلنے کا سوال

ہر اس کام میں داخل ہونے

کا جس میں تیری رضا

ہے ہر گردش سے چھٹکارے کا ہر

کبیرہ گناہ سے بچاؤ کے راستے

کا جو میں نے دانستہ کیا

اور جو میری بھول چوک سے ہوا

شیطانی خیالوں نے مجھے اس کے

کرنے پر آمادہ کیا تجھ سے سوال

کرتا ہوں ایسے خوف کا جس کے

ذریعے میں رضاؤں تک پہنچ پاؤں

ہر اس نفسانی خواہش کے دور کرنے کا

جس کی ہوس میرے دل میں آئے

جس سے میری عقل ہل جائے اور

اور تیرے حلال کی حد سے با ہر نکل

پڑوں سوال کرتا ہوں اے معبود وہ

اچھائی اختیار کرنے کا اور اس برائی

کو چھوڑنے کا جن کو تو

جانتا ہے یا ایسی خطا جو

انجانے میں کروں یاجانتے

بوجھتے ہوئے کروں سوال

کرتا ہوں رزق میں کشادگی

کا کافی و وافی معاش میں

قناعت کا ہر شبھے سے واضح

طور پر نکلنے کا ہر دلیل میں

درستی کا لحاظ رکھنے کا ہر

موقع و محل میں سچی بات

کہنے کا لوگوں کے ساتھ

انصاف کا خواہ وہ میرے

خلاف اور میرے حق میں ہو

انصاف بہم پہچانے میںا نکساری

کا خواہ وہ غصے کا عالم ہو

یا خوشی کی کیفیت ہو اور

سر کشی کو ترک کرنے کا وہ کم ہو

یا زیادہ اورمیرے قول

میں ہو یا فعل میں سب

چیزوں میں تیری نعمتوں کے

تمام ہونے کا ان پر تیرا شکر

کرنے کا تجھے راضی کرنے اور

تیرے راضی ہونے کے بعد بھی

تجھ سے سوال کرتا ہوں بھلائی

کا ہر چیز میں کہ جس میں

بھلائی ہوتی ہے۔

سب امور میں آسانی

کے ساتھ نہ مشکل کے ساتھ

اے سخی اے سخی اے سخی

میرے لئے ہر اس امر کا دروازہ

کھول دے جس میں سلامتی

اور کشائش ہوتی ہے میرے لئے

اس کا دروازہ کھول اور گزرنا سہل بنا

دے تو نے اپنی مخلوق میں سے جس

کے لئے مجھ پر غلبہ مقرر

کر رکھا ہے۔ پس میری طرف

سے تو اس کے کان آنکھ زبان اور

ہاتھ پکڑلے اور اسے پکڑ لے اس

کے دائیں سے بائیں سے اس کے

پیچھے سے اور اس کے آگے سے

اسے روک دے کہ مجھے کوئی دکھ نہ

دینے پائے تیری پناہ والا بلند ہے

اور تیری ذات کی تعریف ظاہر ہے

نہیں کوئی معبود سوائے تیرے تو

میرا رب اور میں تیرا بندہ ہوں اے

معبود توہی میری امید گاہ ہے ہر

سختی و مشکل میں تو ہی ہر کڑے

وقت میں میرا سہارا ہے

جو بھی معاملہ مجھے پیش آئے

تو اس میں میرا آسرا اور پونجی ہے

پس کتنے ہی دکھ ہیں جن میں دل

کمزور پڑ جاتا ہے

تدبیریں ناکام ہوجاتی ہیں دشمن

اس پر خوش ہوتے ہیں وسائل کچھ

کام نہیں دیتے میں تیرے

پاس آتا اورتجھ سے شکایت کرتا

ہوں ان تکلیفوں میں تیرے

سوا کسی سے فریا د نہیں کرتا تو تکلیفیں

دور کرتا اورانکی جزا دیتا ہے پس تو

ہی ہر نعمت دیتا ہے تو ہی ہر حاجت

بر لاتا ہے اور ہر شوق کا آخری مقام

ہے ہاں حمد ہے تیرے لئے بہت

زیادہ اور تیرا ہی احسان

بیشتر ہے ۔

اے معبود میں تجھ سے سوال کرتا ہوں

توبہ کرنے والے کے قول و عمل کا

نبیوں کی ہدایت اور ان کی سچائی کا

مجاہدین جیسی نجات اور

اجر و ثواب کا برگزیدوں جیسے شکر

اور خیر خواہی کا تیرا ذکر

کرنے والوں جیسے عمل

اور یقین کا علما جیسے ایمان اور ان

جیسی سمجھ کا تجھ سے ڈرنے والوں

جیسی عبادت اور فروتنی کا

فقیہوں جیسا حکم لگانے اور ان کی

سیرت اپنانے کا پر ہیز گاروں جیسے

خوف اور ان جیسے شوق کا مومنوں

جیسی تصدیق اور ان جیسے توکل کا

نیکو کاروں جیسی امید اور ان جیسی

نیکیوں کا اے معبود میں

سوال کرتا ہوں شکر کرنے والوں

جیسے ثواب کا مقربوں جیسی عزت کا

اور نبیوں کی ہمسائیگی اور

رفاقت کا۔ اے معبود میں تجھ سے

سوال کرتا ہوں تجھ سے ڈرنے والوں

جیسے خوف کا تجھ سے خوف رکھنے والوں

جیسے عمل کا تیری عبادت کرنے والوں

جیسیدھڑکے کا تجھ پر بھروسا کرنے والوں

جیسے یقین کا اور تجھ پر ایمان رکھنے والوں

جیسے بھروسے کا اے معبود

تو میری حاجتوں کو جانتا ہے

کہ بتانے کی ضرورت نہیں تو انہیں

بر لانے کا اہل ہے بغیر دشواری کے

تو وہی ہے جسے کوئی سائل تھکا نہیں

سکتا کوئی لینے والا کمی پیدا نہیں کر سکتا

تعریف کرنے والوں کی زبانیں تیری

تعریف کا حق ادا نہیں کر سکتیں تو ویسا ہے

جو تو نے کہا اور اس سے بلند ہے جو ہم کہتے ہیں

اے معبود میرے لئے قرار دے

جلد تر کشائش بہت بڑا اجر و

ثواب اور میری بہتر پردہ پوشی فرما

اے معبود یقینا تو جانتا ہے کہ میں

نے اپنے آپ پر ظلم کیا

اور اس میں حد سے بڑھ گیا تو

بھی نہ میں نے کسی کو تیرا مقابل بنایا

نہ شریک ٹھہرایا نہ تیرے لئے بیوی

قرار دی نہ اولاد اے وہ جسے

سوالات مغالطے میں نہیں ڈالتے

اے وہ جسے ایک چیز دوسری چیز

سے غافل نہیں کرتی ایک آواز

دوسری آواز میں رکاوٹ نہیں بنتی

ایک کو دیکھنا دوسرے سے با ز نہیں کرتا

اور فریادیوں کی فریادیں پریشان

نہیں کرتیں۔ میں تجھ سے سوال کرتا

ہوں کہ اسی ساعت میں مجھے

کشائش عطا فرما جہاں سے توقع

رکھتا ہوں اور جہاں سے توقع نہیں

رکھتا ہوں بے شک تو ہی

ہڈیوں کو زندہ کرتا ہے جو

بوسیدہ ہوں کیونکہ تو ہر

چیز پر قدرت رکھتا ہے

اے وہ جس کے لئے میرا شکر کم

ہے تو بھی مجھے محروم نہیں کرتا میں

بڑے بڑے گناہ کرتا

ہوں تو بھی مجھے رسوا نہیں کرتا مجھے

حالت گناہ میں دیکھتا ہے تو بھی منہ

پرنہیں مارتا اس نے مجھے پیدا کیا تو

اپنے لئے پیدا کیا لیکن میں نے وہ

کام کیا جس کیلئے اس نے مجھے پیدا

نہیں کیا پس تو کتنا اچھا مالک ہے اے

میرے آقا اور میں کیسا برا بندہ ہوں

جیسا کہ تو مجھے پاتا ہے تو کیا ہی اچھا طلب

کرنے والا ہے۔ میرے رب اور

میں کیسا برا مطلوب ہوں تو نے مجھے

دیکھا پس میں تیرا بندہ تیرے

بندے کا بیٹا اور تیری

باندی کا بیٹا تیرے سامنے حاضر

ہوں تو میرے ساتھ جو چاہے کر

سکتا ہے اے معبود آوازیں

خاموش ہو چکی ہیں حرکتیں

رک گئیں ہیں ہر دوست

اپنے دوست سے خلوت کررہا

ہے اور میں تیرے ساتھ خلوت

میں ہوں کہ تو ہی میرا محبوب ہے

پس آج رات کی خلوت میں میری

گردن آتش جہنم سے آزاد کر دے

اے وہ کہ کوئی عالم جس کی صفت

بیان نہیں کر سکتا اے وہ جس

کے سوا مخلوق کو روکنے والا کوئی

نہیں اے اول جو ہر چیز سے

پہلے موجود تھا اورآخر جو

ہر چیز کے بعد رہے گا۔ اے

وہ جس کیلئے کوئی مادہ موجود نہ تھا

اے وہ جس کے لئے آخر میں کوئی

فنا نہیں اے کامل ترین صفت شدہ

اور اے عطا کرنے والوں میں زیادہ سخی

اے وہ جو ہر زبان کو سمجھتا ہے جس

کے ذریعے بھی پکارا جائے اے وہ

جسکی بخشش قدیم ہے گرفت بڑی سخت

ہے اور حکومت محکم و پایدار ہے

تجھ سے سوال کرتا ہوں تیرے اس

نام پر جس کے ذریعے موسیٰ

نے تجھ سے کلام کیا یا اللہ یا رحمن

یا رحیم اے وہ کہ نہیں کوئی معبود

سواے تیرے اے معبود تو

بے نیاز ہے تجھ سے سوال کرتا ہوں

کہ درود بھیج محمد(ص)

و آل(ع) محمد(ص) پر اور اپنی رحمت سے

مجھے جنت میں داخل فرما ۔

اے وہ جس نے اپنی طرف میری

رہنمائی فرمائی جسکی تصدیق سے میرا

دل رام ہوا تجھ سے سوال کرتا ہوں

امن و ایمان کا۔